【英文拼音】 英文拼音 自學懶人包!

英文拼音 自學懶人包

想知點樣可以喺屋企學好 英文拼音 ? Phonics 同 Phonetics 有咩唔同?想知有咩網上資源可以幫你自學 英文拼音 ?今日學博小編幫你一一解答!我哋幫各位讀者搜羅咗各種大家最常遇到關於英文拼音嘅問題同搵到5個免費嘅英文拼音網上自學工具,等各位喺呢個炎炎夏日喺屋企都可以增值自己!

phonics

Phonics & Phonetics 分別?

Phonics

Phonics係英文拼音,係喺外國入門學英語拼音嘅方法,佢著重於方便快捷,可以畀學生喺睇到英文字句後發音。Phonics根據書寫嘅A-Z標準音嚟發音,即係每個字母都有自己嘅音。

佢將書面語言直接轉為讀音,但發嘅音未必完全正確,因為英文字母喺唔同情況下會有不同發音,所以會出現讀錯音嘅情況。


Phonetics 

Phonetics (或者叫 IPA,The International Phonetic Alphabet)就係國際音標,Phonetics嘅發音唔係根據字母A-Z嚟讀,而係根據另一套符號發音。呢啲發音符號都可以喺字典中找到,全部都經過國際認可,按照呢啲符號所發嘅音都係準確無誤,但冇呢套符號就唔可以按Phonetics發音。

佢唔係直接依照書面語言發音,若果見到唔識發音嘅字,就需要查字典先可以分辨正確讀音。

Phonics 自學重點

1.多啲聽

多啲聽一啲外國native speaker講英文,對學習點樣發音有好大幫助。佢哋英文發音十分準確,英文能力都非常好,係因為佢哋日常生活成日接觸到英語,日常溝通等等都係運用英語,英文自自然然就變好。喺香港生活嘅我哋,平常慣咗用中文溝通交流,比較少機會接觸到英文,所以對英文同佢嘅發音熟悉度都比較低。有見及此,我哋應該喺日常生活入面加入多啲接觸英文機會,而家資訊科技發達,如果好好運用互聯網嘅資源,就可以幫到我哋更頻繁咁聽到、接觸到文。

 

大人嘅話我會推薦睇啲英文嘅youtube channel,類型可以由講解英文知識同基本Phonics嘅概念呢啲英文教學片,去到一啲英文嘅休閑影片,畀各位可以chill在家中咁學英文。小朋友嘅話我哋會推薦聽啲兒童Phonics歌謠或者Nursery Rhymes (童謠),例如cocomelon呢啲YouTube channel就有好多唔同類型嘅歌謠,適合唔同興趣嘅小朋友。


2.多啲講

學一個新嘅發音方式,最直接、有效、同標準嘅方法就好似鸚鵡學舌咁,即係人哋講咩,你就跟著講咩。其實呢方法同我哋細個嘅時候學語言嘅方法一樣,模仿就係學習嘅第一步,當然學習語言同佢哋嘅發音都一定要定期練習,練習發音拼音嘅時候一定要講出嚟,令自己熟習嗰個音調。

如果想進步得更快嘅話,甚至可以將自己練習嘅聲錄落嚟,自己重新再聽一次,去搵自己發音嘅錯處並且將佢哋糾正。

久而久之,由一開始唔識講、每一個英文字都要諗一次,慢慢變成可以流利咁講英文,將發音嘅規則內化。所以發聲練習對學習拼音同發音嚟講都好重要。


3.多啲查字典

上面介紹過嘅Phonetics(IPA / 國際音標)唔係根據字母A-Z嚟讀,而係按照另一套符號發音,而呢啲發音符號都可以喺字典入面搵到。如果學Phonetics嗰陣遇到唔識發音嘅字,呢個時候就需要查字典先可以知道嗰個英文字點樣發音。

就算呢個舉動可能令好多人覺得好麻煩,但係都唔可以唔做。因為Phonetics 唔可以單純咁睇英文字就識發音,呢個習慣令初學者可以慢慢了解唔同英文字嘅發音方法,將唔同字慢慢記喺腦入面,咁將來見到同樣嘅英文字,唔駛睇佢嘅符號都可以知道點樣發音,呢個習慣對於學緊Phonetics 嘅同學有好大益處。

Phonics 自學工具推介

YouTube

1. Cocomelon (Kids Phonics)

網址:https://www.youtube.com/channel/UCbCmjCuTUZos6Inko4u57UQ

2. Crown Academy of English(Phonetics)

網址:https://www.youtube.com/c/CrownAcademyEnglish


網站

3.KidZone.ws (Kids Phonics)

網址:https://www.kidzone.ws/kindergarten/learning-letters/books.htm

4.toPhonetics(Phonetics)

網址:https://tophonetics.com/


兒童學習App

5.Endless reader

適合年齡:3-6歲 適用平台:iOS & Android

小朋友可以跟一群可愛的小怪物一起學拼音,遊戲的啟動後,一群小怪物成群結隊地抱著一大堆字母跑進屏幕,同時發出各種奇怪而可愛的聲音。

另外,裏面有由字母,短語,再到句子,循序漸進學英語的小遊戲,先在怪物的嘴巴內選擇想學習的字母和單詞及英文短句,然後把字母填進對應的單詞內,拖拽字母還會發出可愛的小怪物聲音,原來這些是這個字母的發音!

如果大家有什麼補習問題,如私人補習、網上補習好唔好,歡迎你可以隨時再跟我多交流一下,可以Follow 「學博教育中心 Learn Smart Education」 Facebook pageIG得到更多補習課程資訊,亦都可以上我們的補習網頁了解更多!

Leave a Reply

Your email address will not be published.