【DSE中文】實用文 格式 5大種類大搜查!

實用文 格式 5大類

DSE 卷三 覺得好難搶分?唔想喺 實用文 嘅格式失好多分?其實 實用文 係 DSE 卷三 嘅搶分位,原因係 實用文 比起其他文體更加有規律, 實用文 格式 佔咗卷三嘅大部分分數,所以想DSE卷三搶多啲分?記得要記實 實用文 格式 !

書信

書信屬於用途較廣泛嘅實用文類型,可以分為「私函」及「公函」。書信可以用喺正式用途上,例如議論、商討、交涉等,亦都可以用嚟做情感聯繫,例如慰問、祝賀等。

 

除咗個人同個人之間,書信也可以用作個人同團體之間嘅聯繫,例如查詢同投訴等。格式方面就要有上款、啟首語、正文、收結語、祝頌語、發文者同日期,而「私函」同「公函」嘅格式上都有少少差別。詳細嘅格式可以睇下下面嘅公、私函格式。

 

公函格式1
credit: https://www.edb.gov.hk/attachment/tc/curriculum-development/kla/chi-edu/resources/primary-secondary/lang/3%20shuxin.pdf
公函格式2
credit: https://www.edb.gov.hk/attachment/tc/curriculum-development/kla/chi-edu/resources/primary-secondary/lang/3%20shuxin.pdf
私函格式
credit: https://www.edb.gov.hk/attachment/tc/curriculum-development/kla/chi-edu/resources/primary-secondary/lang/3%20shuxin.pdf

邀請信

另一種要介紹嘅熱門實用文文體就係邀請信,發文者身份無規定,可以係個人,亦都可以係團體或者機構,係喺舉辦活動時邀請目標單位嚟參加嘅信件。

 

邀請信嘅活動訊息一定要清晰正確而且有條理,一般包括佢嘅性質、內容例如日期、時間、地點,行文入面都需要具備發出邀請同祈請回覆嘅字眼同語句。格式上要包含上款、正文、祝頌語、發文者同日期。

通告

通告普遍係由某個機構或者團體,向一定範圍嘅群眾或者員工發布注意事項或者應該要遵守嘅事項所用嘅實用文文書,多數係直接發出,而用字上都要比較正式。

 

格式上要包括標題、正文、結束語、受文者、署名、發文日期。要留意嘅係,標題需要置中,而且喺最尾要加入「通告」二字;而如果受文對象範圍廣泛,就應該以「特此通告」作結,而受文者就可以省略。

演講辭

演講辭嘅題材非常廣泛,唔容易歸類。我們大抵只可以根據性質歸納出一類比較獨特,就係為咗滿足活動程序嘅需要而寫嘅,比如各種典禮上嘅主禮人致辭,包括歡迎辭、答謝辭、開幕辭、閉幕辭、祝酒辭等,同埋婚喪典禮上嘅賀辭、悼辭。

 

至於演講辭嘅格式,開啓語方面,應該要對聽眾地位嘅順序稱呼。內文就應該要講下演講嘅原因同埋開場白等嘅特定背景資料,然後就入正文。而結束語方面就應該以表達謝意及簡單祝福語句為重心。

建議書

建議書嘅應用範圍幾廣泛,任何團體嘅成員想就公家嘅事向團體提出建議,都可以採用建議書。例如學生可以向學生會甚至學校就工課問題或者學校生活各方面提出建議;公司嘅僱員可以就業務嘅操作情況或者公司嘅人事管理、僱員福利、工作環境等各方面提出建議;社團成員可以就社團嘅組織、工作開展同發展情況向主事者提出建議;甚至一般市民,都可以向一啲公營機構或者政府部門就一啲政策措施提出建議。

 

而建議書嘅格式方面,首先上款應該要寫收訊者嘅稱謂。而標題就要置中,例如「———— 建議書」「建議————」。之後係內文,應該覆交代特定背景資料,然後就入正文。而下款就應該置右,寫提建議者身份同名字。最後係日期,應該要寫喺下款嘅下一行,同埋要置左。

如果大家有什麼補習問題,如私人補習、網上補習好唔好,歡迎你可以隨時再跟我多交流一下,可以Follow 「學博教育中心 Learn Smart Education」 Facebook pageIG得到更多補習課程資訊,亦都可以上我們的補習網頁了解更多!

Leave a Reply

Your email address will not be published.